راولپنڈی ۔29اگست (اے پی پی):پاک فوج دے محکمہ تعلقات عامہ دے ڈائریکٹر جنرل (ڈی جی آئی ایس پی آر )میجر جنرل بابر افتحار شہیداں ، غازیاں تے انہاں نال محبت کرݨ آلیں دے قومی جذبہ حب الوطنی اتے مادر وطن دی حفاظت کیتے قربانیاں ݙیوݨ تے انہاں کوں خراج عقیدت پیش کیتے ، اتوار کوں آپݨے ٹویٹ اچ ایں حوالے نال ھک خصوصی ویڈیو شیئر کیتی جیں اچ شہداء اتے انہاں دے خانداناں کوں ݙکھایا ڳئے جیڑھے جو قیمت تے ملک دے دفاع دے ناقابل تسخیر عزم دا اظہار کریندے پئن ، اے ویڈیو یوم دفاع و شہداء دی مناسبت نال شہداء اتے غازیاں دے خانداناں دی زندگی دے مختلف پہلوواں دے حوالے نال سیریز دی تریجھی ویڈیو اے۔ انہاں آپݨے آفیشل اکائونٹ توں لکھیے جو شہدا غازیاں تے انہاں نال تعلق رکھݨ آلے انہاں سارے لواحقین کوں سلام ، شہدا پاکستان ساݙا فخر ہن۔ انہاں آپݨے ٹویٹ دے بعد 6 ستمبر شہدا کوں سلام دا ہیش ٹیگ وی ݙتے ۔
