جده- 24 جنوري (اي پي پي)مسجد نبوي جي انتظاميا رياض الجنه ۾ اچڻ جي حوالي سان آساني پيدا ڪرڻ ۽ رستي جو نئون نظام جاري ڪرائڻ جواعلان ڪيو آهي، ميڊيا رپورٽن موجب مسجد نبوي جي انتظاميا جو چوڻ آهي ته حج ۽ عمري واري وزارت جي جاري ڪيل هدايت موجب زائرين کي هڪ سال ۾ صرف هڪ ڀيرو رياض الجنه جي زيارت جو پرمٽ ملندو، انتظاميا جو چوڻ آهي ته نئون پرمٽ 365 ڏينهن گذرڻ تي نسڪ يا توڪلنا ايپس ذريعي حاصل ڪري سگهجي ٿو ،ياد رهي ته مسجد نبوي جي انتظاميا زائرين کي خدمتن جي فراهمي ۽ زيارت ۽ عبادت ۾ درپيش رڪاوٽون ختم ڪرڻ لاءِ جامع حڪمت عملي اختيار ڪري رهي آهي.
