کراچی۔ 02 نومبر(اے پی پی) پاکستان نیوی اسپیشل سروس گروپ اتے قطری نیول اسپیشل فورسز وچال ݙو طرفہ مشق محارب البحر دے چھیویں ایڈیشن دا کراچی اچ انعقاد کیتا ڳئے ، اے مشق ہر سال متبادل طور تے پاکستان اتے قطر اچ منعقد کیتی ویندی اے ۔ خمیس کوں جاری اعلامیہ موجب 2 ہفتے تئیں جاری رہݨ آلیاں مشقاں اچ فراگ مین آپریشنز، کوآرڈینیٹڈ میری ٹائم انٹرڈکشن آپریشنز، شپ وزٹ۔ بورڈـ سرچ اینڈ سیزر(SVBSS)، اسنائپر ویپن فائرنگ، انسداد دہشتگردی دی ٹریننگ، کلوز کوارٹر کامبٹ (CQC)، فاسٹ روپ انسرشنز تے مشتمل مشقاں شامل ہن ۔ مشقاں دا مقصد ݙوہیں ملکاں دے دفاعی تعلقات کوں مضبوط بݨاوݨ تے پاکستان نیوی اسپیشل سروس گروپ اتے قطری نیول اسپیشل فورسز دے سانجھے تعاون اتے مشترکہ آپریشن دی صلاحیت کوں بہتر بݨاوݨ ہئی ۔اے مشق ݙوہیں بحری افواج دی اسپیشل فورسز دی پیشہ ورانہ صلاحیتاں دےودھارے کیتے ٻہوں فیدہ مند تھیوݨ دے نال نال ݙوہیں ملکاں دے پراݨے اتے تاریخی برادرانہ تعلقات دی مظہر اے۔
