اسلام آباد۔23ستمبر(اے پی پی) صدر مملکت ڈاکٹر عارف علوی آکھیے پاکستان اچ 27 ملین ٻال اسکولاں توں ٻاہر ہن ، اُنہاں کوں اسکولاں اچ گھن آوݨ کیتے ہنگامی اقدامات دی لوڑھ اے۔ اے ڳالھ انہاں ہفتے کوں اتھاں نگران وفاقی وزیر تعلیم و پروفیشنل ٹریننگ مدد علی سندھی نال ملاقات اچ آکھی اے ۔ ایں موقع تے ملک اچ تعلیم دے شعبے دی ترقی دے حوالے نال ڳالھ مہاڑ تھئی ۔ ایوان صدر میڈیا ونگ توں ہفتے کوں جاری اعلامیہ موجب صدر ڈاکٹر عارف علوی آکھیے پاکستان اچ 27 ملین ٻال سکولاں توں ٻاہر ہن ، اُنہاں کوں اسکولاں اچ گھن آوݨ کیتے ہنگامی اقدامات دی لوڑھ اے ،ملک دے پرے دے علاقیں اچ تعلیم تئیں لوکاں دی رسائی ودھاوݨی ہوسی ، آن لائن تعلیم ملک دے پرے دے علاقیں تئیں تعلیم پڄاوݨ اچ مدد ݙے سڳدی اے ۔ صدر مملکت آکھیے اسکولاں ٻاہر سکولاں کوں تعلیم ݙیوݨ کیتے مسیتاں کوں فجر توں ظہر تئیں استعمال کیتا ونڄ سڳدے ،اسکولاں توں ٻاہر ٻالاں کوں تعلیم ݙیوݨ کیتے غیر روایتی حل سوچݨ دی لوڑھ اے ۔
