مظفرآباد۔5اگست(اے پی پی)صدر مملکت ڈاکٹر عارف علوی بھارت کوں آکھیے جو او ݙوہاں ملکاں اتے پورے خطے دی خوشحالی اتے امن کیتے پاکستان نال آپݨا دشمنائیہ اتے ہٹ دھرمی آلا رویہ چھوڑ ݙیوے، ہر سازش دے بعد پاکستان پہلے توں ٻیا تکڑا تھی تے نکلسی، جیکر بھارت آپݨے ہمسایہ ممالک نال جھیڑیاں دے حل دی بجائے کشیدگی جاری رکھی تاں ایکوں غربت اتے پسماندگی جھیں کئی چیلنجز دا سامنا کرݨا پو سڳدے، بھارت کہیں غلط فہمی اچ نا راہوے جو او پاکستان تے کوئی دبائو پا سڳدے، کشمیر تے ساݙا موقف وٹیڄ نئیں سڳدا، مقبوضہ جموں و کشمیر دی آئینی حیثیت دی ولا بحالی تئیں کشمیر نال کوئی ڳالھ نہ تھیسی۔ اے ڳالھ انہاں یوم استحصال کشمیر ویلھے آزادجموں وکشمیر دے دارالحکومت مظفرآباد مہاجر کیمپ ٹھوٹھہ اچ مہاجرین نال خطاب اچ آکھی۔ ایں موقع تے صدر آزاد جموں و کشمیر سردار مسعود خان، وزیراعظم آزاد جموں و کشمیر سردارعبدالقیوم خان نیازی، وفاقی وزیر ڈاکٹر فہمیدہ مرزا، پارلیمانی سیکرٹری برائے امور کشمیر ثوبیہ کمال وی خطاب کیتے۔ ممبران قومی اسمبلی ڈاکٹر نوشین، رخسانہ نوید، ظل ہما، غزالہ سیفی، چیف سیکرٹری آزاد کشمیر شکیل قادر خان، سینئر ممبر بورڈ آف ریونیو فیاض علی عباسی، سیکرٹری اطلاعات مدحت شہزاد، آئی جی پولیس سہیل حبیب تاجک وی موجود ہن۔
