اسلام آباد – 26 مارچ (اي پي پي) قومي اسيمبلي جي اسپيڪر سردار اياز صادق چيو آهي ته عالمي سطح تي جمهوريتن کي مختلف چئلينجز ۽ عدم استحڪام درپيش آهن، جمهوريت جو مطلب صرف چونڊون نه پر هڪ نئين معاشي ۽ اقتصادي ڪلچر جو فروغ آهي جنهن ۾ گڏيل احترام، قانون جي حڪمراني ۽ احتساب کي بنيادي حيثيت حاصل آهي، جمهوريت ان وقت ناڪام ٿيندي آهي جڏهن هيٺين سطح ۽ پوئتي پيل طبقن جي ضرورتن ۽ حقن جي نفي ٿيندي آهي. جنيوا مان وصول ٿيل اطلاع موجب هن اهڙن خيالن جو اظهار سوئٽزرلينڊ جي شهر جنيوا ۾ بين الپارلياماني يونين جي جنرل اسيمبلي جي 138 هين اجلاس کي خطاب ڪندي ڪيو.
