اسلام آباد۔25فروری (اے پی پی):صدر مملکت ڈاکٹر عارف علوی آکھیے تریمتاں کوں بااختیار بݨاوݨ سانڳے صحت اتے تعلیم دیاں سہولتاں ݙیوݨ ضروری ہن اے ڳالھ انہاں ہم ویمن لیڈرز ایوارڈ 2024 دے 5ویں ایڈیشن توں خطاب کریندے ہوئیں آکھی اے ۔ صدر مملکت عارف علوی تریمتاں کوں ہراسیت توں پاک ماحول ݙیوݨ دی لوڑھ تے زور ݙتا تاں جو او افرادی قوت دا حصہ بݨ تے سماجی و معاشی ترقی اچ آپݨا کردار نبھا سڳن ۔ صدرمملکت آکھیے اڄ اساں تریمت رہنماواں کوں معاشرے اچ انہاں دے کردار تے انہاں تریمتاں کوں معاشی طورتےبااختیار بݨاوݨ اچ کردار نبھاوݨ آلے مرداں کوں خراج تحسین پیش کریندوں ۔ تریمتاں دے حقوق تے ڳالھ کریندے ہوئیں انہاں آکھیے جو ’’ حضور نبی اکرم صلی اللہ علیہ وآلہ وسلم دا ارشاد مبارک اے جو جیں بندے ݙو دھیریں دی پرورش کیتی او جنت اچ آپݨا جاہ بݨا ڳھدی ‘‘۔صدر عارف علوی آکھیے انسانی معاشریں اچ تریمتاں زمانے توں محبت اتے امید دی مجسم رہین تے انہاں ٻالاں کوں محبت دا درس ݙتے تے خاندانی نظام کوں برقرار رکھیے۔ انہاں واضح کیتے جو تریمتاں کوں جنگاں تے نسل کشی دی کارروائیاں اچ ساریں توں ودھ ضیان چاوݨاں پئے ، پچھلی صدیاں اچ نسل کشی اچ لکھاں آپݨی جاناں ونڄائیاں ۔صدر مملکت غزہ اچ اسرائیلی فورسز دی نسل کشی دی کارروائیاں تے تنقید کریندے ہوئیں آکھیے ہزاراں تریمتاں تے ٻال ماریے ڳعن ۔تقریب اچ وزراء، سفارت کاراں اتے سول سوسائٹی دے ارکان وی شرکت کیتی۔
