اسلام آباد۔11فروری (اے پی پی) وزیر خارجہ مخدوم شاہ محمود نال سعودی عرب کیتے پاکستان دے نامزد سفیرامیر خرم راٹھور جمعے کوں وزارت خارجہ اچ ملاقات کیتی۔ وزیرخارجہ سعودی عرب اچ بطور سفیر نامزدگی تے انہاں کوں مبارخ ݙتی اتے آکھیا جو پاکستان اتے سعودی عرب وچال ݙو پاسہ برادرانہ تعلقات ہن۔ ݙوہیں ملکاں ہر اوکھے ویلھے ہک ݙوجھے دا ساتھ ݙتے۔ انہاں آکھیا جو اساݙی حکومت اقتصادی ترجیحات تے توجہ ݙیندی پئی اے۔ وزیرخارجہ آکھیا جو اساݙے سفراء کوں اقتصادی سفارت کاری نال پاکستان دے معاشی استحکام کیتے آپݨا کردار ادا کرݨا پوسی۔ ٻاہرلے ملک رہوݨ آلے پاکستانیاں دی فلاح تے بہبود اساݙی حکومت دی پہلی ترجیح اے۔ سعودی عرب کیتے پاکستان دے نامزد سفیر امیر خرم راٹھور وزیرخارجہ دا شکریہ ادا کیتا اتے انہاں دی ہدایت تے عمل کرݨ دایقین ݙوایا۔
