لاہور۔17نومبر(اے پی پی)گورنر پنجاب چوہدری محمدسرور آکھیے جو تاریخ اچ محلات، وݙے عہدے اتے ترکے رکھݨ آلے نئیں انسانیت دے خادم ہی جیندے راہندن، جیکر جذبہ اتے محنت ہووے تاں ڄڳ اچ کجھ وی ناممکن نئیں راہندا۔ اے ڳالھ انہاں گور نمنٹ کالج ویمن یونیورسٹی فیصل آباد دے پہلے کانووکیشن نال خطاب اتے میڈیا نال الیندے آکھی۔ انہاں آکھیا جو یونیورسٹیز اچ وائس چانسلرز میرٹ تے لائن اتے سفارشی ریت مکائی ویندی پئی اے، وزیر اعظم عمران خان دی اڳواݨی اچ وفاقی اتے پنجاب حکومت تریمتیں کوں ہر شعبے اچ اڳو تے ودھݨ دے موقع ݙیوݨ کیتے کم کریندی پئی اے۔ تقریب اچ چیئرمین اینٹی نارکوٹکس پنجاب حاجی رمضان پرویز، کمشنر زاہد حسین، وائس چانسلر پروفیسر ڈاکٹر روبینہ فاروق، کنٹرولر امتحانات پروفیسر رضوانہ تنویر رندھاوا، رجسٹرار یونیورسٹی آصف علی بانی، وائس چانسلر ڈاکٹر ذکر حسین، وائس چانسلر زرعی یونیورسٹی فیصل آباد ڈاکٹر اقرار حسین وی موجود ہن۔ گورنر پنجاب مختلف شعبیاں اچ چنڳی کارکردگی تے طالبات کوں میڈلز وی ونݙین۔
