اسلام آباد – 04 سيپٽمبر (اي پي پي) صدر ڊاڪٽر عارف علوي چيو آهي ته ڀارت جي فاشسٽ حڪومت خطي سان گڏوگڏ پوري دنيا جي امن کي خطري ۾ وجهي ڇڏيو آهي، عالمي برادري ڪشمير مسئلي جي حل ۾ پنهنجو ڪردار ادا ڪري جتي ڀارتي قابض فوج پاران انساني حقن جون سنگين خلاف ورزيون ڪيون پيون وڃن، پاڪستان هڪ پرامن ملڪ آهي ۽ هن عالمي امن جي لاءِ تمام گهڻيون قربانيون ڏنيون آهن. هو فلسطين، روس، پرتگال، آسٽريليا ۽ قزاخستان جي نامزد سفيرن ۽ هاءِ ڪمشنر سان ڳالهائي رهيو هو، جن ايوان صدر ۾ ساڻس ملاقات ڪئي.
