اسلام آباد۔18جولائی(اے پی پی):وزیراعظم محمد شہبازشریف آکھیے مسلم لیگ (ن) دے رہنما طارق فضل چوہدری دےنینگر پتر دی حادثاتی موت دے ناقابل بیان ݙکھے ویلھے مسلم لیگ (ن) انہاں دے ݙکھ اچ برابر دی شریک اے۔ آپݨے ٹویٹ اچ انہاں آکھیے مسلم لیگ (ن) دے رہنما طارق فضل چوہدری دے نینگر پتر دی کار حادثے اچ موت دا سݨ تے ݙکھ تھئے ۔ والدین کیتے ٻال کوں ونڄا بہݨ توں ودھ دل کوں ݙکھ ݙیوݨ آلی کوئی چیز نی ہوندی ۔ناقابل بیان ݙکھے ویلھے میݙا دل چوہدری طارق اتے انہاں دے ݙکھی خاندان دے نال اے ۔ وزیراعظم آکھیے مسلم لیگ (ن) انہاں دے ݙکھ اچ برابر دی شریک اے ۔ وزیراعظم دلی تعزیت کریندے ہوئیں دعا کیتی جو اللہ پاک مرحوم دی روح کوں سکون ݙیوے۔
