لاہور۔27مئی(اے پی پی):وزیرِ اعظم محمد شہباز شریف آکھیے ساݙا مقصد نوجواناں کوں کھیݙاں سودھے مثبت سرگرمیاں اچ اپݨی توانائیاں دے بھرپور استعمال دے مواقع ݙے تے انہاں کوں منفی پراپیگنڈے دے اثرات توں بچاوݨا اے ۔وزیر اعظم آفس دے میڈیا ونگ توں جاری بیان موجب ہفتے کوں وزیر اعظم نال معاونِ خصوصی شزا فاطمہ خواجہ ملاقات کیتی۔ایں موقع تے وزیر اعظم آکھیے پاکستان دے نوجواناں کوں ترقی دے ھکو سویں مواقع تے باوقار روزگار دی فراہمی اولین ترجیح اے،نینگراں کوں تعلیم و ہنر دی بین الاقوامی معیاردی سہولتاں دی فراہمی دے نال نال کھیݙاں دیاں سرگرمیاں دا انعقاد وی کیتا ویندا پئے ،ہݨے ہی کوئٹہ اچ 34ویں نیشنل گیمز دے افتتاح تے نوجواناں کوں مثبت سرگرمیاں اچ ں حصہ گھندے ہوئیں ݙیکھ تے خوشی تھئی ۔ ۔معاون خصوصی شزا فاطمہ خواجہ وزیرِ اعظم کوں یوتھ پروگرام تے پیش رفت دا ݙسایا ،۔ انہاں ݙسائے جو گزریل سال شروع کیتے ڳئے یوتھ پروگرام دے تحت 60 ہزار نوجواناں کوں مختلف ہنر دی پیشہ ورانہ تربیت ݙتی ڳئی اے جݙاں جو 40 ہزار نوجواناں دی مفت تربیت دا پروگرام وختی شروع کیتا ویندا پئے ۔ مزید مجموعی طور تے کاروبار اتے زراعت کیتے نوجواناں کوں سوکھاں شرطاں تے 13.5 ارب روپے دے قرضے ݙتے ڳئن جݙاں جو آندے کجھ مہینے اچ 16.5 ارب روپے دے مزید قرضے ݙتے ویسن ۔ وزیرِ اعظم یوتھ پروگرام تے پیش رفت دی تعریف کیتی ۔
