کوئٹہ۔23مئی (اے پی پی):محکمہ موسمیات آکھیے جو چاغی ، خاران ، نوشکی اتے واشک اچ 4 مہینے دے دوران 17 فیصد گھٹ مینھ وسیے جیں توں خشک سالی دی صورتحال پیدا تھی ڳئی اے ۔ محکمہ موسمیات توں جاری کیتے ڳئے اعداد و شمار موجب بلوچستان اچ جنوری توں اپریل تئیں 17فیصد گھٹ مینھ وسیے ساریں توں گھٹ مینھ فروری اچ 89.3فیصد جݙاں جو مارچ اچ 68اتے اپریل اچ 79.6فیصد گھٹ مینھ وسیا ۔محکمہ موسمیات دی رپورٹ موجب صوبے دے مغربی اتے جنوب مغربی علاقے سردیاں دے مینھ تے انحصار کریندن تاں جو ہیٹ ویو دی وجہ تو چاغی اچ شدید خشک سالی دی صورتحال پید تھیندا پئی اے جݙاں جو خاران، نوشکی اتے واشک اچ وی خشک سالی دی صورتحال اے۔ رپورٹ اچ زراعت، پاݨی دے ذخیرے، مال ڈھور تے خریف دیاں فصلاں دے متاثر تھیوݨ دی پیش گوئی کیتی ڳئی اے ایں حوالے نال متعلقہ محکمیں کوں پیشگی اقدامات کرݨ دی تجویز ݙتی ڳئی اے ۔
