اسلام آباد۔27جولائی (اے پی پی) وزیراعظم شہباز شریف آکھیا جو 1973ء دا آئین ملک دی وحدت دی علامت اے، آئین دے تحت تحت مقننہ اتے عدلیہ سودھے سارے اداریاں دے اختیارات اتے کردار متعین اے، 2018ء دے الیکشن اچ بدترین جھرلو پھیریا ڳیا، پاکستان کوں عظیم بݨیسوں اتے فسطائیت دا ڈٹ تے مقابلہ کریسوں۔ جݙاں تئیں پارٹی اتے عوام دی اعتماد اے ملک کوں مسئلیاں توں کݙھݨ کیتے آپݨی کوششاں کرینداں رہساں۔ اوکھے حالات اچ اتحادی جماعتاں دے اصرار تے سیاست کوں بچاوݨ دی بجائے ریاست کوں بچاوݨ کیتے وزارت عظمیٰ دا منصب قبول کیتے۔ جیڑھے اٹھ سال ݙینھ رات چور اتے ݙاکو آکھدے رہیے او ہک دھیلے دی کرپشن ثابت نی کر سڳیے۔ بدھ کوں قومی اسمبلی اچ ڳالھ مہاڑ کریندیں ہوئیں انہاں آکھیا جو پاکستان اچ طوفانی بارشاں ہر ڄاہ تے تباہی پھیری اے، بلوچستان، کراچی، سندھ ، کے پی کے پنجاب اتے چترال سودھے ٻئے علاقیاں اچ انسانی جاناں دا ضیان تھیے۔ اللہ تعالیٰ سارے مرحومین کوں جنت الفردوس اچ ڄاہ ݙیوے اتے زخمیاں کوں جلدی صحت یاب کرے۔ ایں صورتحال نال مخلوط حکومت پوری آگاہ اے، چاریں صوبیاں نال رَل تے میٹنگز کر ڳھدی اے، جتھ جتھ نقصان تھیے صوبائی حکومت اقدامات کریندی پئی اے۔ وفاقی وی این ڈی ایم اے دے ذریعے امدادی کاروائیاں کریندا پئے۔ آئین دے تحت مقننہ اتے عدلیہ سودھے سارے اداریاں دے اختیارات اتے کردار متعین اے، 2018ء دے الیکشن اچ بدترین جھرلو پھیریا ڳیا، پاکستان کوں عظیم بݨیسوں اتے فسطائیت دا ڈٹ تے مقابلہ کریسوں۔
">
