اسلام آباد۔24جون(اے پی پی)وفاقی وزیر اطلاعات و نشریات چوہدری فواد حسین آکھیے جو اسلام آباد ہائی کورٹ العزیزیہ اتے ایون فیلڈ کیسز اچ نواز شریف دیاں اپیلاں خارج کر ݙتن، العزیزیہ اتے ایون فیلڈ کیسز اچ عدالتی فیصلہ نال پاکستانی عوام دی جیت تھئی اے، ایں مقدمہ اچ نواز شریف دے ݙوہیں پتر مفرقر ہین، ایں مقدمے اچ نواز شریف، مریم نواز اتے کیپٹن (ر)صفدر کوں سزائیں تھین، اے فلیٹس حدیبیہ پیپرز ملز دے ناں تے منی لانڈرنگ نال مل ڳھدے ڳین، شریف فیملی کوں قوم دا لٹیا مال ولا ݙیوݨا چاہیدے۔ ایون فیلڈ اتے العزیزیہ کیس بارے الیندے فواد چوہدری آکھیا جو اسلام آباد ہائی کورٹ ݙوہیں کیسز اچ نواز شریف دی اپیلاں خارج کر ݙتن۔ اے ایون فیلڈ اپارٹمنٹ اوہو مقدمہ اے جیندا اے آہدے ہن جو اے ساݙا نئیں بھل ہݨ وی نواز شریف اتھائیں راہندن، احتساب عدالت ثابت کیتے جو نواز شریف اپݨی جائیداد بارے کوڑ ماریے، اے جائیداد نواز شریف دی ہی اے، مریم نواز دا حلف نامہ وی جعلی ہا، مقدمے اچ نواز شریف کوں 10 سال، مریم نواز کوں 7 سال اتے کیپٹن صفدر کوں ہک سال سزا تھئے ہئی جیندے بعد اپیل دائر کیتی ڳئی اتے نواز شریف ٻاھرو فرار تھی ڳٰن۔ اڄ دا فیصلہ پی ٹی آئی، وزیراعظم عمران خان اتے ملک دے عوام دی جیت اے جو چور لٹیرے ملک اتے قوم دا مال ولا ݙیون۔
.jpg)
.jpg)