راولپنڈی۔3نومبر (اے پی پی) صدر مملکت ڈاکٹر عارف علوی آکھیا جو کمیونیکیشن ٹیکنالوجیز دا استعمال معاشرے دی بہتری کیتے اے، غلط معلومات یا جعلی پروپیگنڈے کیتے نی۔ او نیشنل ڈیفنس یونیورسٹی (این ڈی یو) اسلام آباد دے دورہ دے موقع تے نیشنل سکیورٹی اینڈ وار کورس23 دے شرکاء نال خطاب کریندے پے ہن۔ آئی ایس پی آر دے مطابق صدرمملکت قومی سلامتی بارے معاملیاں تے ڳالھ کیتی۔ انہاں آکھیا جو بحیثیت قوم اساکوں آپݨی سماجی اتے ثقافتی اقدار دی حفاظت کرݨٰی چاہیدی اے۔ صدرمملکت شرکاء کوں مشورہ ݙتا جو او آپݨے آپ کوں تازہ ترین پیشرفت خصوصی طور آئی ٹی، اے آئی اتے کمیونیکیشن دے شعبے اچ پیشرفت بارے باخبر رکھن۔ مواصلاتی ٹیکنالوجیز اتے خاص طور تے ڈیجیٹل پلیٹ فارمز دا استعمال معاشرے دی بہتری کیتے نہ کہ غلط معلومات یا جعلی پروپیگنڈے دے اوزار دے طور تے جینویں ٻہوں ملکاں اچ استعمال کیتا ویندے۔ صدر طلباء تے زور ݙتا جو او پرامن اتے خوشحال پاکستان کیتے سخت محنت کرن۔
