اسلام آباد۔5اکتوبر(اے پی پی)وزیر مملکت برائے پٹرولیم ڈاکٹر مصدق ملک آکھیے جو بجلی اتے پٹرولیم مصنوعات دا ملھ تیکھے ٻیا ڳھٹ ویسی، سیالے اچ گیس بلاتعطل ݙیوݨ دی کوشش کریسوں اتے عوام کوں سوکھ ملسی۔ اے ڳالھ انہاں اسلام آباد اچ پریس کانفرنس کریندے آکھی۔ انہاں آکھیا جو عمران خان سنگتی ملکاں نال تعلقات خراب کرتے ملک کوں کلہا کرݨ دی سازش کیتی اے، ڄیڑھا ریاستی راز ”سائفر” دا تحفظ نئیں کر سڳدا او صادق و امین نئیں اکھوا سڳدا، مریم نواز دی بریت حق سچ اتے انصاف دی جیت اے جو نیب پراسیکیوٹر ہک وی ثبوت عدالت اچ نئیں ڳھن آ سڳیا۔ انہاں آکھیا جو انشاء اﷲ کڄھ ݙینھ اچ بجلی اتے پٹرولیم مصنوعات دا ملھ ڳھٹ ویسی، پوری کوشش ہوسی جو سیالے اچ گیس دی بلاتعطل فراہمی یقینی ٻݨاوں۔
