اسلام آباد۔24اکتوبر (اے پی پی):وزیر داخلہ شیخ رشید احمد آکھیے جو حکومت اتے کالعدم تحریک لبیک پاکستان ،ٹی ایل پی وچال مذاکرات کافی حد تئیں طے پاچکئن ، احتجاج سیاسی پارٹیاں دا حق اے۔ پی ڈی ایم ہر سال نومبر اتے دسمبر اچ مشقاں کریندی اے اتے جنوری تئیں انہاں کوں سکون تھی ویندے ، حکومت اپݨی آئینی مدت پوری کریسی ،راولپنڈی اتے اسلام آباد اچ آبادی زیادہ اے، اسلام آباد انتظامیہ کوں ہدایت کرینداں جو او کٹینر ہٹا ݙیون ۔ اتوار کوں اتھاں پریس کانفرنس توں خطاب کریندے ہوئیں وزیر داخلہ شیخ رشید احمد آکھیے جو وزیراعظم کوں مظاہرے دی صورتحال ݙسیندا رہ ڳیاں ،اسلام آباد انتظامیہ کوں ہدایت کرینداں جو او کنٹینرز سڑکاں توں ہٹاون ، منگل اتے ٻدھ تئیں کالعدم ٹی ایل پی دے کیسز واپس گھن تے فورتھ شیڈول ݙیکھسوں ۔ انہاں آکھیے جو کالعدم تنظیم دے عہدیداراں نال تفصیلی ڳال تھئی اے، انہاں دے نال اٹھ گھنٹے تئیں طویل مشاورت تھئی ، فرانس دے سفیر دا معاملہ قومی اسمبلی اچ گھن تے ویسوں ، پرامن احتجاج ساریاں سیاسی جماعتاں دا حق اے، میں سیاسی ورکر ہاں ، ساریاں سیاسی جماعتاں نال مذاکرات کیتے تیار ہیسے ، انہاں دا اعتراض درست اے جو 6 مہینے تئیں انہاں کوں سݨیا نی ڳیا ، سنوار کوں کالعدم تنظیم دے لوک وزارت داخلہ اچ ڳال مہاڑ کیتے آسن ، کالعدم تنظیم دے خلاف مقدمات واپس گھنݨ تے غور تھیسی ، مشاورت اچ طے پاتے جو شیڈول فور تے وی نظر ثانی کریسن ۔
