اسلام آباد ۔ 13 فروری (اے پی پی) وزیراعظم محمد نوازشریف قومی کونسل تحفظ جنگلی حیات دی بحالی دی اصولی طور تے منظوری ڈے ڈتی ہے۔ کونسل تحفظ جنگلی حیات دی بحالی وزیراعظم پاکستان ولوں گرین پاکستان دی ہک وڈی پالیسی اصلاحات دا حصہ ہے۔ سنوار کوں اتھاں وزیراعظم آفس دے بیان دے مطابق قومی کونسل وائلڈ لائف پالیسی دا ہک وڈا فورم ہے جیرھا جو گزریل حکومت اچ ناکارہ تھی گی ہئی اپنڑی بحالی دے بعد قومی کونسل تحفظ جنگلی حیات اچ صوبائی نمائندگی ہوسی جیرھا جو وفاقی سطح تے وزارت موسمیاتی تبدیلی اچ قائم تھیسی ۔بیان اچ آکھیا گیا ہے جو کونسل دی بحالی نال پاکستان جنگلی حیات دی غیر قنونی تجارت دی روک تھام اتے جنگلی حیات دے تحفظ سانگے اپنڑے بین الاقوامی ذمے واریاں اداکریسی ۔
