کراچی۔30مارچ (اے پی پی):لائیو ویپن فائرنگ دے شاندار مظاہرے اچ پاک بحریہ دے گراؤنڈ بیسڈ ایئر ڈیفنس یونٹس رات کوں زمین توں فضاء اچ مار کرݨ آلے میزائلاں دی فائرنگ دے ذریعے جنگی تیاری اتے حربی صلاحیتاں دا کامیاب مظاہرہ کیتا۔ جاری اعلامیہ موجب چیف آف دی نیول اسٹاف ایڈمرل محمد امجد خان نیازی اڳلے مورچیں تے میزائل فائرنگ دا مشاہدہ کیتا۔میزائل فائرنگ دے دوران، پاک بحریہ ایئر ڈیفنس یونٹس مطلوبہ اہداف کوں کامیابی نال نشانہ بݨائے تے پیشہ ورانہ مہارت دا مظاہرہ کیتے۔ ہݨے ہی ڳھدے ڳئے شارٹ رینج ایئر ڈیفنس سسٹم توں کامیاب میزائل فائرنگ کہیں وی فضائی خطرے دے خلاف پاک بحریہ دے مضبوط دفاع دی غماز اے۔ایں موقع تے خطاب کریندے ہوئیں چیف آف دی نیول اسٹاف پاک بحریہ ایئر ڈیفنس یونٹس دی آپریشنل تیاریاں تے مکمل اطمینان دا اظہار کیتے تے ایں سلسلے اچ افسراں اتے جواناں دے انتھک عزم اتے پیشہ ورانہ مہارت دی تعریف کیتی ۔ نیول چیف مزید آکھیے پاک بحریہ دشمن دی کہیں وی مہم جوئی دا بھرپور جواب ݙیوݨ کیتے پوری طرح تیاراے۔
