اسلام آباد۔11اگست (اے پی پی) وزیراعظم شہبازشریف آکھیا جو پاکستان اتے یورپی یونین وچال سانجھے داری کوں ٻیا مستحکم ٻݨاوݨ کیتے اعلیٰ سطح دے تبادلیاں دی لوڑھ اے۔ پاکستان یورپی یونین دے رکن ملکاں نال آپݨے تاریخی تعاون دے ݙو پاسہ تعلقات کوں اہمیت ݙیندے۔ پر امن اتے مستحکم افغانستان خطے کیتے اہم اے۔ وزیراعظم آفس دے میڈیاونگ توں جاری بیان موجب پاکستان اچ یورپی یونین دی نویں تعینات تھیوݨ آلی سفیر ڈاکٹرریناکونیکا خمیس کوں وزیراعظم نال ملاقات کیتی۔ ایں موقع تے وزیراعظم یورپی یونین کونسل دے صدر چارلس مشیل اتے یورپی کمیشن دے صدر ارسولاوان ڈیرلیین نال آپݨی اڄوکی ٹیلی فونک ڳالھ مہاڑ دا حوالہ ݙیندیں ہوئیں اعتماد کیتا جو یورپی یونین دے پارلیمانی وفود دے پاکستان دے آندے دوریاں دے نال نال اگلے یورپی یونین پاکستان تزویراتی ڳالھ مہاڑ دے منصوبے دے تحت سیاسی اتے سکیورٹی ڈائیلاگ نال ݙوہیں فریقین وچال ٻیا ٹھوس تعاون دی راہ ہموار تھیسی۔
