واشنگٽن – 25 جولاءِ (اي پي پي) آمريڪا پنهنجن شهرين کي ويڙهه سٽيل ڀارتي رياست مني پور سميت ملڪ جي ٻين علائقن کان علاوه ڀارت جي غيرقانوني قبضي هيٺ ڄمون ڪشمير جو سفر نه ڪرڻ جي هدايت ڪئي آهي. ڪشمير ميڊيا سروس مطابق آمريڪي پرڏيهي کاتي پنهنجي ايڊوائيزري ۾ انهن علائقن ۾ وڌندڙ خطرن جو ذڪر ڪندي پنهنجن شهرين کي چيو آهي ته هو اتي وڃڻ کان پاسو ڪن. ايڊوائيزري ۾ چيو ويو آهي ته آمريڪي شهري مني پور، ڄمون ڪشمير ۽ ٻين علائقن ۾ وڌندڙ تشدد سبب انهن علائقن جو سفر ڪرڻ کان پاسو ڪن.
