اسلام آباد۔29جنوری (اے پی پی):سپریم کورٹ بلوچستان نیشنل پارٹی (مینگل) دے سربراہ اختر مینگل کوں الیکشن اچ حصہ گھنݨ دی اجازت ݙے ݙتی اے ۔ چیف جسٹس آف پاکستان جسٹس قاضی فائز عیسیٰ دی سربراہی اچ سپریم کورٹ دے 3 رکنی بینچ اختر مینگل دے کاغذات نامزدگی دی منظوری دے خلاف اپیل تے سماعت کیتی۔ سماعت تے درخواستگزار دی طرفوں وکیل سلطان احمد عدالت اچ پیش تھئن تے دلائل ݙتن۔ سپریم کورٹ ہائیکورٹ دے فیصلے دے خلاف اپیل کوں خارج قرار ݙیندے ہوئیں سربراہ بی این پی اختر مینگل کوں عام انتخابات اچ حصہ گھنݨ دی اجازت ݙے ݙتی ۔
