اسلام آباد۔19جنوری (اے پی پی) نیشنل ڈیٹا بیس رجسٹریشن اتھارٹی (نادرا) عوام دی تجویز تے پاک آئی ڈی دا نواں ورژن جاری کرݨ دا فیصلہ کیتے۔ نویں ورژن اچ بائیومیٹرک تصدیق اتے انگوٹھے دی تصدیق دی سہولت وی ݙتی ویندی پئی اے۔ نادرا حکام موجب عوام دی تجویز تے آندے ہفتے پاک آئی ڈی دا نواں ورژن جاری کیتا ویندا پئے۔ نواں ورژن 3.0 دی خصوصیات اچ بائیو میٹرک اتے انگوٹھے دی تصدیق دی سہولت دے نال نال ایپلی کیشن کوں صرف آپݨے ٹبر دے لوکاں دے استعمال کرݨ، ایف آر سی اتے منسوخی سرٹیفیکیٹ دی ڈاؤن لوڈنگ اتے فون تے محفوظ کرݨ دی ودھیکی سہولت شامل اے۔ مستقبل دی ریلیز اچ کریڈٹ/ڈیبٹ کارڈز دے علاوہ مختلف ڈیجیٹل ادائیگی دے آپشنز اتے ٻئی خصوصیات وی شامل ہن۔
