بیجنگ۔18اکتوبر(اے پی پی) نگران وزیرِ اعظم انوار الحق کاکڑ اڄ بیجنگ اچ تھیوݨ آلے تریجھے بیلٹ اینڈ روڈ فورم اچ شرکت کیتی۔وزیر اعظم آفس میڈیا ونگ توں جاری بیان موجب چین پاکستان اقتصادی راہداری (سی پیک) کوں بیلٹ اینڈ روڈ انیشی ایٹیو (بی آر آئی) دے فلیگ شپ منصوبہ ہووݨ دے ناطے پاکستان کوں ایں اقدام دے حوالے نال مرکزی حیثیت حاصل اے۔ نگران وزیر اعظم چین دے صدر شی جن پنگ دی دعوت تے ایں فورم اچ اہم وفاقی وزرا دے رلے پاکستان دی نمائندگی کریندے پئن ۔ وزیرِ اعظم فورم اچ شریک عالمی رہنماواں نال اہم ملاقاتاں وی کریندے پئن ۔
