اسلام آباد۔4جون(اے پی پی)وفاقی وزیر ماحولیاتی تبدیلی سینیٹر شیری رحمان 9 مئی دے پرتشدد واقعات دی مذمت کریندے آکھیے جو اے ملکی تاریخ دا سیاہ ݙینھ اے، سیاسی جماعتاں ملک اچ سیاسی عدما ستحکام مکاوݨ کیتے کردار ادا کرن۔ پی ٹی وی نال الیندے انہاں آکھیا جو پوری قوم مسلح افواج نال کھڑی اے، 9 مئی کوں قومی املاک اتے دفاعی تنصیبات کوں تباہ کرݨ آلے بے نقاب تھی ڳن، حملہ آوراں دے خلاف سخت کارروائی کیتی ویسی، کہیں وی ریاست اتے فوج مخالف سرگرمیاں اچ ملوث فسادیاں اتے مجرماں نال سختی نال نمٹیا ویسی۔ انہاں آکھیا جو شہداء ساݙے حقیقی ہیرو ہین جیندیاں قربانیاں کوں سلام کریندے ہیں۔
