لاہور۔1دسمبر (اے پی پی) وفاقی وزیر منصوبہ بندی پروفیسر احسن اقبال آکھیا جو تعمیری معاشرے کیتے تعلیم ٻہوں ضروری اے، یونیورسٹیاں دور کوں ݙیکھدیں ہوئیں نصابی سرگرمیاں کوں ودھاون۔ اے ڳالھیں انہاں خمیس کوں یونیورسٹی آف منیجمنٹ اینڈ ٹیکنالوجی (یو ایم ٹی) اچ تھیوݨ آلی” سول اینڈ کنسٹرکشن انجینئرنگ اچ جدت لان” دے موضوع تے بین الاقوامی کانفرنس توں خطاب کریندیں ہوئیں آکھی۔ ایں موقع تے یو ایم ٹی ابراہیم حسن مراد،ریکٹر یو ایم ٹی ڈاکٹر آصف رضا، ڈی جی یو ایم ٹی پروفیسر عابد شیروانی، پروفیسر ڈاکٹر مجاہد کامران،ڈین سکول آف انجینئرنگ ڈاکٹر عثمان رشید سمیت سودھے فیکلٹی،قومی تے بین الاقوامی سکالرز،ریسرچرز،سول انجینئرز ، طلبا شریک تھیے اتے سول انجینئرنگ بارے پنڄاہ توں ودھ تحقیقی مقالے پیش کیتے۔ ۔وفاقی وزیر احسن اقبال آکھیا جو سی پیک پاکستان کیتے ہک گیم چینجر منصوبہ اے، گزریل سالیں اچ بین الاقوامی سطح تے کنسٹرکشن انڈسٹری اچ ٹیکنالوجی اتے انووویشن ٻہوں ڳھاٹا اثر پاتے اتے تبدیلیاں آئن۔ تقریب دے چھیکڑ تے صدر یو ایم ٹی ابراہیم مراد ، وفاقی وزیر پروفیسر احسن اقبال کوں ریکٹر یو ایم ٹی دے رَلے سوینئر پیش کیتا۔
