اسلام آباد۔13جولائی(اے پی پی)وفاقی وزیر اطلاعات و نشریات مریم اورنگزیب آکھیے جو عمران خان وزیراعظم ہوندے الیکشن کمیشن دے قانون، احکامات اتے ضابطاں دی دھجیاں اݙیندے رہن، عمران صاحب الیکشن کمیشن کوں دھمکیاں ݙتن، اپݨی حکومت اچ وی الیکشن کمیشن کوں دھمکیاں ݙتن اتے اڄ وی الیکشن چور الیکشن کمیشن تے ہر روز حملے کریندے پئے ہن۔ ہک بیان اچ وفاقی وزیر اطلاعات آکھیے ہک پاسو پاکستان مسلم لیگ (ن) اے جیڑھی قانون، انتخابی ضابطاں اتے الیکشن کمیشن دے احکامات دے اڳو سر جھکیندی اے۔ پاکستان مسلم لیگ (ن) دے وزراء الیکشن کمیشن دے احکامات اتے قانون دی پاسداری دے احترام اچ استعفے ݙتن ڄݙاں جو ٻئے پاسو عمران صاحب دی جماعت اے جیڑھی دھمکیاں اتے ڳالھیں مندے توں علاوہ ڳالھ نی کریندی، اے آپ کوں قانون سمجھدن، اے روز دھمکیاں وی ݙیندن اتے نال درخواستاں وی ݙیندن، الیکشن اچ دھاندلی الزامات عمران خان دا اپݨے ہرݨ دا پیشگی اعتراف اے۔ انہاں آکھیا جو اے ووٹ دا محافظ ٻݨݨ دی کوشش نا کرن، الیکشن کمیشن اصل اچ فارن فنڈنگ کیس دی وجہ نال عمران خان دا نشانہ اے۔
