اسلام آباد۔9اگست(اے پی پی) قومی اسمبلی اچ پیرس اولمپکس 2024 اچ ایتھلیٹ ارشد ندیم دی شاندار کارکردگی تے انہاں کوں سول ایوارڈ ݙیوݨ تے کھیݙاں دے میدان اچ نینگراں کوں ہرممکن سہولتاں ݙیوݨ دی قرار داد اتفاق رائے نال منظور کر ڳھدی ڳئی ۔ قومی اسمبلی دے اجلاس اچ وزیر قانون اعظم نذیر تارڑآکھیے ایوان سانڳے خوشی دا مقام اے جو اڄ امام مسجد نبوی ، سعودی سفیر اتے سعودی وفد اتھاں موجود ہن ۔ ارشد ندیم ساݙی خوشی ودھا ݙتی اے ۔ ساریاں پارلیمانی جماعتاں ارشد ندیم دی شاندار کارکردگی تے متفقہ قرار داد گھن آوݨ دا فیصلہ کیتے ۔ قرارداد دے متن اچ آکھیا ڳئے جو ا?? ایوان پاکستان دے فرزند ارشد ندیم کوں پاکستان دا پرچم پیرس اولمپکس اچ اُچا کرݨ تے 40 سال بعد پاکستان کوں گولڈ میڈل دا حق دار بݨاوݨ تے مبارخ ݙیندے ?? اے ایوان یاد ݙویندے جو متوسط طبقے نال تعلق رکھݨ آلے 27 سالہ ارشد ندیم اپݨے اُچے عزم ، انتھک محنت اتے خلوص نیت نال ثابت کیتے جو وسائل دی کمی اتے رستے دی اوکھ وطن دے پُتراں تے دھیریں دا رستہ روک نی سڳدیاں ۔ اے ایوان ارشد ندیم دی سابقہ کارکردگی کوں تحسین دی نگاہ نال ݙیکھدے جیڑھا ایندے توں پہلے کامن ویلتھ گیمز، اسلامک سالڈیرٹی گیمز اتے سارک گیمز اچ سونے دے تمغے جت چکئن ۔اے ایوان حکومت توں سفارش کریندے ارشد ندیم کوں سول ایوارڈ نال نوازے تے کھیݙاں دے میدان اچ نینگراں کوں ہر ممکن سہولتاں ݙیوے
