لاہور۔۔1جنوری(اے پی پی)وزیراعلی پنجاب عثمان بزدار ڈاکٹرز کیتے نویں سال دا تحفہ ݙیندے ایڈہاک ڈاکٹرز اتے ٻئے سٹاف دی ملازمتاں اچ ہک سال دی توسیع دی منظوری ݙتی اے۔ ایں اقدام نال ہزاراں ایڈہاک ڈاکٹرز اتے عملہ سوکھا تھیسی۔ وزیراعلیٰ عثمان بزدار ایڈہاک ڈاکٹرز و عملہ کوں تنخواہیں ویلھے تے ݙیوݨ دی وی ہدایت کیتی اےجو متعلقہ محکمہ تنخواہیں ݙیوݨ اچ رکاوٹاں ختم کرن، ایڈہاک ڈاکٹرز دے مسلیاں دا احساس ہے جیڑھے ترجیحی بنیاد تے حل تھیوݨے چاہیدن۔ وزیراعلیٰ پنجاب آکھیے جو شعبہ طب دی بہتری کیتے سارے اقدامات کیتے ویسن۔
