اسلام آباد – 07 آگسٽ (اي پي پي) جمهوري وطن پارٽي جي سربراهه شاهه زين بگٽي تحريڪ انصاف جي چيئرمين عمران خان سان ملاقات ڪئي، ملاقات دوران هن قومي اسيمبلي ۾ قائد ايوان جي چونڊ ۾ تحريڪ انصاف جي حمايت جو اعلان ڪري ڇڏيو. تحريڪ انصاف جي مرڪزي ميڊيا ڊپارٽمينٽ پاران جاري پڌرائي موجب شاهه زين بگٽي بني گالا ۾ تحريڪ انصاف جي چيئرمين عمران خان سان ملاقات ڪئي. ان موقعي تي وائيس چيئرمين شاهه محمود قريشي ۽ سينيئر مرڪزي اڳواڻ جهانگير ترين پڻ موجود هو.
