اسلام آباد۔14ستمبر (اے پی پی) سپیکر قومی اسمبلی راجہ پرویز اشرف مستونگ دھماکے دی مذمت کریندیں ہوئیں ایندے اچ جے یو آئی (ف) دےسابق سینیٹر حافظ حمد اللہ اتے انہاں دے ساتھیاں دے زخمی تھیوݨ تے سخت تشویش کیتی اے۔ خمیس کوں سپیکر متعلقہ حکام کوں زخمیاں کوں بہترین طبی سہولتاں ݙیوݨ دی ہدایت کریندیں ہوئیں زخمیاں دی جلدی صحت یابی دی دعا کیتی اتے آکھیا جو پاکستان دے سکیورٹی ادارے دہشت گردی دے ناسور نال نبڑدے پئن۔ دہشت گردی دے ناسور کوں ہراوݨ کیتے پوری قوم آپݨی سکیورٹی فورسز دے رلے کھڑی اے۔
