اسلام آباد۔23مارچ(اے پی پی)آزاد جموں و کشمیر دے وزیر اعظم سردار عبدالقیوم نیازی آکھیے جو او آئی سی کوں کشمیر اتے فلسطین مسلیاں دے حل کیتے ڳوڑھیاں کوششاں کرݨیاں چاہیدن۔ اسلام آباد اچ صحافیاں نال الیندے انہاں آکھیا جو مسلم تنظیم کوں بھارتی قبضے دے خلاف کشمیریوں دی جائز جدوجہد دی مکمل حمایت کرݨی چاہیدی اے۔ انہاں بھارتی معاشرے اچ عدم برداشت اتے اسلامو فوبیا دی ودھدی لہر دا حوالہ ݙیندے زور ݙتے جو او آئی سی بھارت اتے ڄڳ دے ٻئے حصیاں اچ مسلماناں نال تھیوݨ آلے وانڄھ کوں روکݨ کیتے مربوط کم کرے۔
