رياض-11 نومبر (اي پي پي) سعودي ولي عهد شهزاده محمد بن سلمان بن عبدالعزيز سان ايراني صدر ڊاڪٽر مسعود پيزشڪيان ٽيليفون تي رابطو ڪيو. پرڏيهي ميڊيا موجب سعودي ولي عهد سان ايراني صدر سان ٿيل ٽيلي فونڪ رابطي دوران فلسطيني علائقن، لبنان تي اسرائيلي جارحيت جي حوالي سان ڳالهه ٻولهه ڪئي وئي . ان موقعي تي ايراني صدر گڏيل عرب اسلامي سربراهي اجلاس گهرائڻ تي مملڪت جي قدمن جي تعريف ڪئي ۽ سربراهي اجلاس جي ڪاميابي لاءِ نيڪ تمنائن جو اظهار ڪيو . ڳالهين دوران ٻنهي ملڪن وچ ۾ لاڳاپن جي ترقي ۽ انهن کي مضبوط بڻائڻ جي طريقن جو به جائزو ورتو ويو.
