اسلام آباد۔24جون (اے پی پی):مسلم لیگ (ن) دی رکن قومی اسمبلی مہناز اکبر عزیز آکھیے جو پاکستان اچ تلویں سطح تے صحت دا نظام مربوط تھی چکیے اینکوں ٻیا چنڳاں کرݨ سانڳے اقدامات کرݨے ہوسن، دانیال عزیز دے حادثے توں بعد جیویں انہاں کوں ابتدائی طبی امداد ݙتی ڳئی او ساݙے طبی نظام دی بہتری دے پاسے ھک قدم اے ، صحت کارڈ محض نجی شعبہ کوں نوازݨ دا ڈھونگ اے ۔ قومی اسمبلی اچ اعتراض دے نکتے تے مہناز اکبر عزیز آکھیے جو اللہ دی خصوصی مدد اتے دعاواں توں دانیال عزیز حادثے اچ زخمی تھی ڳئے ہن ہݨ انہاں دی حالت بہتر اے ۔ شکرگڑھ دے نیڑے حادثے ویلھے نینگراں انہاں کوں وختی ریسکیو کیتا۔ 1122 اچ وختی پڄائے تے فرسٹ ایڈ ݙتی تے نارروال ہسپتال گھن ڳئے اتھاں ابتدائی طبی امداد دے بعد سروسز ہسپتال تے ول سی ایم ایچ منتقل کیتے انہاں آکھیے پاکستان اچ ابتدائی طبی امداد دے مراکز پاڑاں وٹھی ڳئن انہاں کوں ٻیا تکڑا کرݨا اے ۔ نارروال ڈی ایچ کیو اچ چنڳے سرجن ہن جنہان عقلمندی توں کم ڳھدا انہاں آکھیے جو صحت کارڈ توں پرائیویٹ ہسپتالاں دے پاسے سٹیا ویندا پئے اساکوں ایں پاسے نی ونڄݨا چاہیدا ، ساݙا طبی نظام مربوط تھی چکیے ۔
