اسلام آباد۔10جون (اے پی پی):حکومت آندے مالی سال 23-2022 دے سرکاری شعبہ دے سالانہ ترقیاتی پروگرام (پی ایس ڈی پی) دے تحت آبی وسائل ڈویژن دے آبی منصوبیں دیاں جاری سکیماں کیتے 88 ارب 42 کروڑ 84 لکھ 65 ہزارروپے جݙاں جو نویاں سکیماں کیتے 3 ارب 20 کروڑ روپے رکھئے ڳئن ، پی ایس ڈی پی دے تحت آندے مالی سال دے دوران بسول ڈیم تے 80 کروڑ ، قلعہ عبداللہ تے دالبندین اچ 200 ڈیماں دی تعمیر تے 50 کروڑروپے، گش کوڑ ڈیم دی تعمیر تے ھک ارب روپے ، لورالائی اچ ماڑاتنگی ڈیم تے30 کروڑ روپے، سنی گرم ڈیم تے 40کروڑ روپے، ضلع لسبیلہ اچ وندر ڈیم دی تعمیر تے ھک ارب روپے ، دراوٹ ڈیم جامشورو دی تعمیر تے 67 ارب 81 کروڑ ، دیامر بھاشا ڈیم (ڈیم پارٹ) کیتے 20 ارب روپے، دیامر بھاشا ڈیم (زمین مل گھنݨ تے آباد کاری) کیتے 7 ارب روپے، ضلع خاران اچ گڑوک ڈیم دی تعمر تے ھک ارب ، دے فور گریٹر واٹرسپلائی سکیم تے 20 ارب روپے، کچھی کینال منصوبے تے 7 ارب50 کروڑ، کرم تنگی ڈیم تے ھک ارب روپے، مہمند ڈیم منصوبے تے 12 ارب 60 کروڑ 31 لکھ ، نویں گاج ڈیم منصوبے تے 5 ارب، ورسک کینال دی ری ماڈلنگ تے ھک ارب روپے، چشمہ رائٹ بینک لیفٹ گریوٹی منصوبے تے 50 کروڑ، ضلع زیارت اچ چھوٹے ڈیماں دی تعمیر تے 30 کروڑ روپے، بلوچستان اچ پٹ فیڈرکینال دی ری ماڈلنگ تے 30 کروڑروپے خرچ کیتے ویسن ۔
