اسلام آباد۔28فروری (اے پی پی):صدر مملکت ڈاکٹر عارف علوی آکھیے جو مختلف مذاہب دے لوکاں وچال پرامن بقائے باہمی کیتے بین المذاہب ہم آہنگی تے سانجھی افہام و تفہیم دی لوڑھ اے ، معاشرے کوں روادار بݨاوݨ کیتے سانجھے احترام کوں ودھارا ݙیوݨ ناگزیر اے، ایوان صدر دے پریس ونگ توں سنوار کوں جاری بیان موجب صدر مملکت ںال آرچ بشپ آف کینٹربری، جسٹن ویلبی ملاقات کیتی۔جیں اچ مذہبی اداریں بالخصوص مسیتاں تے چرچ دی اہمیت تے روشنی پاتی ڳئی ،اعلامیہ اچ آکھیا ڳئٖ جو مذہبی ادارے اقوام وچال مذہبی ہم آہنگی تے سانجھی افہام و تفہیم دے ودھارے اچ اہم کردار ادا کرسڳدن ، صدر مملکت ڈاکٹر عارف علوی آکھیے جو دنیا کوں مختلف مسئلیں دا سامݨا اے ، معاشرے کوں روادار بݨاوݨ کیتے سانجھے احترام کوں ودھارا ݙیوݨ ناگزیر اے ، دنیا کوں انسانیت اتے امن کیتے کم کرݨ ، لوکاں دیاں مصیبتاں تے تکلیف دور کرݨ کیتے اقدامات دی لوڑھ اے، انہاں آکھیے جو پاکستان 40 لکھ افغان مہاجرین دی میزبانی کیتی ۔مہاجرین دی ݙیکھ بھال کرݨ عالمی برادری دی وی اخلاقی ذمہ واری اے، آرچ بشپ آکھیے جو مہاجرین دے مسئلے نال نبمݨ کیتے نویں بین الاقوامی کنونشن دی لوڑھ اے ۔
